Uwari umukunzi wa Queen Cha yamuritse umukunzi we mushya bagiye gushyingirwa

Emmanuel Gashagaza wamamaye muri muzika nyarwanda nk’inzobere mu kuvangavanga imiziki, aho benshi bamuzi nka DJ Cox, nyuma y’imyaka ibiri atandukanye na Mugemana Yvonne wamenyekanye muri muzika nyarwanda nka Queen Cha, ubu agiye gukora ubukwe n’undi mukobwa yihebeye ndetse uyu mwaka uzasiga ari umugabo wubatse urugo.

Urukundo rwa Queen Cha na DJ Cox, rwaravuzwe cyane mu bitangazamakuru byo mu Rwanda, ubwabo bakaba barakunze kugaragaza ko urukundo rwabo rwashinze imizi dore ko banakundanye kuva cyera bakigana, ariko mu kwezi k’Ukuboza 2015, nibwo batangaje byeruye ko batandukanye, ndetse icyo gihe Queen Cha ahita ahimba indirimbo yise “Alone” byavuzwe ko yavugagamo agahinda yatewe n’uwari umukunzi we.
JPEG - 165.2 kb
JPEG - 105.9 kb
JPEG - 59.3 kb
JPEG - 149.3 kb
JPEG - 196.5 kb

Dj Cox na Queen Cha bakanyujijeho mu rukundo rwabo n’ubwo byaje kuba amateka

Muri iyo ndirimbo, uyu muhanzikazi agira ati: “Ko ngukunda ntako ntagira, ntacyo ntakoze ngo wishime, urenzaho ujya mu bandi kandi ugenda nta na kimwe wamburanye… Bitangira waje udasanzwe, uwo munsi wanjye wawuhumuje umubavu, umubiri wanjye wawutakaga imitoma, ubuzima bwanjye ubuhindura ibyishimo, bidaciye kabiri urirara, ujya mu bandi udasize n’inshuti zanjye. Ntacyo ntabonye mu rukundo, niba ari ukubabara narababaye… Ese ni iki uba ubona utabona aha? Ese ubabwira ko ari ubuzima bwawe, ko ari abakobwa b’ibitangaza, ko basa na bicye; amwe mu magambo wambwiraga… Naragukunze niva inyuma, nirengagiza abambuzaga, ntitaye ku byo bavuga. Ntacyo ntabonye mu rukundo, niba ari ukubabara narababaye”

Nyuma y’uko iby’urukundo rwabo bibaye amateka, Dj Cox agiye gukora ubukwe n’umukunzi we witwa Umutoni Huguette, ndetse batangiye gutumira inshuti n’imiryango yabo ko tariki 3 Ukuboza 2017, Dj Cox azajya gusaba no gukwa Umutoni Huguette hanyuma tariki 17 Ukuboza 2017, bagasezerana kubana akaramata.




Leave a Reply

Your email address will not be published. Required fields are marked *