Espagne: Abadepite bemeje ko intara ya Catalogne ari Leta yigenga

Nyuma ya Referandumu yabaye ku italiki ya 1 Ukwakira 2017,aho abaturage batuye mu ntara ya Catalogne batoye bashaka ubwigenge nka leta y’igenga kuri Espagne,kuri uyu wa Gatanu Inteko Ishinga Amategeko ya Catalogne yatoye ko aka gace ko mu Majyaruguru y’iki gihugu, gahinduka leta yigenga.

Muri uwo mwanzuro uvuga ko Leta ya Catalogne iba Repubulika yigenga kuri Espagne, ukaba usaba ubutegetsi nyubahirizategeko kuganira n’amahanga ikaba leta yemewe.

Les gens célèbrent l'annonce de la proclamation d'une République catalane, à Barcelone, le 27 octobre 2017.
Nk’uko BBC yabitangaje ngo abadepite bagera kuri 70 nibo batoye ko Catalogne yigenga, 10 barabirwanya naho babiri barifata mu Nteko Ishinga Amategeko iigizwe n’ intebe 135.

Iyi ntara iri mu Majyaruguru ya Espagne ituwe n’abaturage miliyoni 7.5 (imibare ya 2016) ikaba ifite ubuso bwa km² 32,108 . Izwi cyane kubera Umujyi wa Barcelone ubamo n’ikipe ikomeye cyane mu mupira w’amaguru ifite n’abakunzi benshi ku Isi, FC Barcelone.

Uyu mwanzuro utowe nyuma ya kamarampaka yo kuwa 1 Ukwakira 2017, aho abaturage bagera ku kigero cya 90% bemeje ko Catalogne igomba kwigenga. Aya matora ariko ntiyitabiriwe kuko abatoye babarirwa ku kigero cya 43% cy’abagakwiye gutora.

Nyuma y’iyo kamarampaka, abayobozi batandukanye ku mugabane w’u Burayi kimwe na Minisitiri w’Intebe wa Espagne, Mariano Rajoy, barwanyije ubwo bwigenge.

ZIGAMA Theoneste-Celebzmagazine.com




Leave a Reply

Your email address will not be published. Required fields are marked *